Çollaku, votimin e sotëm të komitetit të PE-së për liberalizim, e sheh si pozitiv

5 Shtator 2016 - 18:32      

Ministri i Integrimit Evropian, Bekim Çollaku, e ka mirëpritur votimin e sotëm në komisionin e Parlamentit Evropian për të drejtat civile, drejtësi dhe punë të brendshme (LIBE).

Ai tha se votimin e sotëm duhet ta kuptojmë edhe një rikonfirmim të radhës për mbështetjen që lëvizja e lirë pa viza e qytetarëve të Kosovës e gëzon tek eurodeputetët e përfaqësuar në këtë komision të Parlamentit Evropian, dhe është një hap përpara drejt vendimit përfundimtar.

“Uroj që ky hap dhe i gjithë procesi të përfundohet sa më shpejtë. Qytetarët e Kosovës e kanë merituar trajtimin e barabartë me fqinjët e tyre qe një kohë të gjatë, dhe institucionet e Kosovës kanë bërë punë të pakursyer në përmbushjen e kërkesave të parashtruara në këtë proces”, theksoi Çollaku.

Megjithatë, ministri Çollaku tha se duhet nënvizuar që deri te liberalizimi i vizave mbetet të merret vendim nga i gjithë Parlamentit Evropian që do të ndodhë në një seancë plenare të mëvonshme.

“Më pas mbetet edhe vendimi i shteteve anëtare të BE, në Këshill të BE për propozimin e Komisionit Evropian për Liberalizim të Vizave”, potencoi ministri i Integrimit Evropian, Bekim Çollaku.  

Ky është procesi se deri ka mbërritur Kosova drejt liberalizimit të vizave, sipas ministrit Çollaku: 

© KOHA. Të gjitha të drejtat janë të rezervuara.