Këshilli i Prindërve të Kosovës uron fillimin e vitit të ri shkollor

5 Shtator 2016 - 10:25      

Kryetari i Këshillit të Prindërve të Kosovës, Bajram Beqiri, ka uruar nxënësit, arsimtarët dhe personelin e shkollave për një fillim të mbarë të vitit të ri shkollor.

Në emër të Këshillit të Prindërve të Republikës së Kosovës dhe në emrin ti personal, shfrytëzoi rastin që me rastin e fillimit të vitit të ri arsimor 2016-2017 t’iu përcjell urimet më të përzemërta për këtë ditë, transmeton Koha.net.

Kjo ditë shënon edhe një fillim tjetër të ri në marrjen e njohurive dhe dijes për fëmijët të cilët janë e ardhmja e shoqërisë sonë. Urimi im i parë shkon për nxënësit, që për herë të parë sot do të ulen në bankat e shkollës për t’u njohur me mësuesin e parë, me bashkëmoshatarët dhe shokët e klasës.

Gjithashtu nëpërmes të këtij urimi sot u bëj thirrje të gjithë prindërve, familjarëve dhe fëmijëve, të cilët me apo pa arsye kanë braktisur shkollën, t’i rikthehen sa më parë asaj ashtu siç kërkoi edhe nga të gjithë mësimdhënësit që të kenë një qasje sa më pozitive dhe një angazhim maksimal në avancimin e vlerave arsimore.

Dëshiroj që ky vit i ri shkollor të jetë një vit i sukseseve dhe rezultateve dhe shpresoi se do të jetë një vit në të cilin do të dominoi qetësia ,siguria,disiplina dhe një viti mbarë për të gjithë, thuhet në urimin e kryetarit të Këshillit të Prindërve të Kosovës. 

© KOHA. Të gjitha të drejtat janë të rezervuara.