Mustafa: Nënë Tereza, shenjtorja që na prinë në përsosjen e vlerave morale

4 Shtator 2016 - 14:24      

Kryeministri i Kosovës, Isa Mustafa përmes një postimi në Facebook ka thënë se Nënë Tereza tani është shenjtore e gjithë shqiptarëve që na prinë në përsosjen e vlerave shpirtërore e morale, transmeton Koha.net.

Mustafa ishte prezent në Vatikan me rastin e shenjtërimit të Nënë Terezës, dhe për këtë ka thënë se është shumë i nderuar.

“Isha shumë i nderuar që mora pjesë sot në ceremoninë zyrtare të shenjtërimit të Nënës Terezë.
Jeta dhe vepra e jashtëzakonshme e Shën Terezës në shërbim të njerëzimit, u nderua nga qindra mijëra njerëz të mbledhur në Sheshin e Shën Pjetrit në Vatikan. Shqiptarët tashmë e kanë shenjtoren e tyre e cila do të vazhdojë të na prijë në përsosjen e vlerave shpirtërore, morale e humane. Bota mbarë ka simbolin e shenjtë të dashurisë, besimit, humanizmit, vetëmohimit”, ka thënë Mustafa.

© KOHA. Të gjitha të drejtat janë të rezervuara.