I mbijetuari i masakrës së Suharekës, 17 vjet në kërkim të drejtësisë

4 Shtator 2016 - 09:33      

Emrat e tyre prej tre vjetësh i bart me vete. Gramoz Berisha nga Suhareka, njëri nga tre të mbijetuarit e masakrës së 26 marsit të vitit 1999, një tatuazh me emrin e babait, Sedatit, vëllait Drilonit dhe motrës Dafinës, e cila është ende e pagjetur, ia kishte bërë vetes dhuratë për ditëlindje.

Gramozi, që në kohën e luftës ka qenë 8-vjeçar, buzëqesh kur tregon se këtë tatuazh e ka bërë përkundër mospajtimit të nënës së tij, Vjollcës, edhe ajo e mbijetuar nga masakra në të cilën u vranë 48 anëtarë të familjes Berisha, shkruan sot “Koha Ditore”.

“Edhe pse mami nuk është pajtuar hiç, po ...”, ndal në gjysmë rrëfimin dhe me gisht tregon tatuazhin, djali që i plagosur në krah, bashkë me të ëmën dhe gruan e axhës kishin kërcyer nga kamioni në të cilin ishin vendosur viktimat e njërës ndër masakrat e ndodhura në luftën e fundit në Kosovë, që nuk iu kishin mbijetuar plumbave. Që të tre kishin shpëtuar duke u shtirur si të vdekur në mesin e kufomave të familjes së tyre... (më gjerësisht lexoni sot në “E diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.