Serbia ndërton shkollë për boshnjakët serbë në Shqipëri

3 Shtator 2016 - 17:17      

Podgoricë, 3 shtator – Festojnë Krishtlindjet dhe Bajramin. Shkojnë në kishë e në xhami. Janë serbë me fe myslimane.

Jetojnë në Refli Millbofshë, komuna Millbofshë afër Fierit, në jugperëndim të Shqipërisë, shkruan e përditshmja e Beogradit, “Politika”, transmeton Koha.net.

U nisëm për vizitë serbëve joortodoksë në Shkodër dhe Millbofshë, që është larg nga Piodgorica rreth 350 kilometra. Ata para rreth njëqind vjetësh u ndalen në këtë fshat, themeluan komunitetin e tyre dhe promovuan fenë.

Paraardhësit e këtyre serbëve me fe islame janë nga rrethina e Novi pazarit, Sjenicës dhe Tutinit ishin nisur për në Stamboll. Kur nuk munden më tutje, u ndalen në kodrat e Shqipërisë, mbi qytetin e Fierit.

Kohët ishin të rënda. Pushtuesit e ndryshëm dhe diktatorët nuk kishin qenë të mëshirshëm për ta. Duhet të mbijetohej, ndërsa kusht mbi kushtet ishte ndërrimi i fesë nga ortodokse në muhamedane, atë të cilën q ë nga ajo kohë e deri me shkuarjen nga pushtetit të Enver Hoxhës që e kishte djegur e shkrumbuar në ato hapësira.

Promovuan fenë, por jo të gjitha zakonet. Nga brezi në brez promovuan se kush ishin dhe cilit popull i takonin, transmeton Koha.net. Se ishin serbë asnjëherë nuk kishin harruar, shkruan kjo gazetë për këta serbë të fesë myslimane, siç i quan “Politika” boshnjakët e Sanxhakut.

Për këta serbë me fe myslimane, pra, Serbia do të ndërtojë shkollë në Shqipëri, shkruan “Politika”. 

© KOHA