Hoti tregon se çfarë e shtyri të ndërrojë mendje për afatin e faljes së borxheve [video]

2 Shtator 2016 - 19:19      

Dy ditë më parë nuk lëshonte pe në vendimin i tij.

Por, lobimi i madh i shoqatave të biznesit dhe numri i ulët i interesimit për shlyerjen e borxheve, ia ndryshuan mendjen.

Ministri i financave, Avdullah Hoti, vendosi që të shtyjë edhe për 6 muaj të tjerë afatin e ligjit për faljen e borxheve, ngase deri tash nga 700 milionë, janë mbledhur vetëm 50 milionë euro borxhe.

Sipas Hotit, komuna e Gjilanit ka mbledhur më së shumti borxhe dhe disa ndërmarrje publike, emrat e të cilave nuk i ka përmendur.

Ndërsa nuk ka mundur të tregojë se sa ka qenë interesimi i serbëve për të shlyer borxhet.

Vendimi u mirëprit nga kryetari i Odës Ekonomike të Kosovës.

Mënyra e shlyerjes së borxheve vazhdon të përjetohet rëndë nga qytetarët, ngase janë tradhtuar ata që i kanë paguar me rregull obligimet.

Ligji aktual pushon së funksionuari nga kjo e premte, ndërsa ndryshimi i tij do të bëhet në mbledhjen e ardhshme të Qeverisë dhe më pas, votohet në seancën e parë të sesionit vjeshtor në Kuvend.

© KOHA. Të gjitha të drejtat janë të rezervuara.