Ahmeti kërkon përgjegjësi për arrestimet e aktivistëve, i quan të montuara

1 Shtator 2016 - 16:25      

Kreu i Prishtinës, Shpend Ahmeti i ka quajtur të montuara, teksa ka kërkuar edhe përgjegjësi për arrestimet e dy ditëve më parë ndaj gjashtë aktivistëve të Vetëvendosjes, me dyshimin për organizmin dhe kryerjen e sulmit me granatë në drejtim të Kuvendit të Kosovës.

“Me pompozitet të madh pardje u arrestuan aktivistë nën akuzën për terrorizëm. Personi që udhëhoqi operacionin e që doli në konferenca, e që doli në lidhje të afërt me PDK u zhduk dje nga konferencat. Sot gjykatësi, të akuzuarit për terrorizëm i dërgoi në arrest shtëpiak. Kjo i bien që nuk kanë pas fare prova por nga presioni nuk ka mund t’i lirojë krejt”, ka thënë Ahmeti.

“Po i bien që arrestimi ka qenë shfaqje për media para demarkacionit me qëllimin që të goditet VV. Me këtë logjikë secilin mund ta arrestojnë. Dikush duhet të përgjigjet për këtë”, ka shtuar më tej ai.

© KOHA. Të gjitha të drejtat janë të rezervuara.