Lulzim Haziri zgjidhet anëtar i pestë i Komisionit për Media në Maqedoni

31 Gusht 2016 - 23:53      

Anëtari i pestë i Komisionit për media Ad-Hok, Lulzim Haziri, flet për TetovaSot pas emërimit në këtë komision. Gazetari Haziri thotë se ka pranuar se është zgjidhje konsesuale. “Pranova se ishte zgjidhje konsensuale, çka më mbron nga etiketimet e mundshme” thotë Haziri për portalin TetovaSot.

Ndërsa sa i përket asaj se mund të quhet tradhtar nga Naser Selmani, siç e quajti Sefer Tahirin dhe Daut Dautin, Lulzim Haziri shprehet ashpër dhe thotë se s’ka burrë bote që mund ta shpallë tradhtar. ” S’ka burrë bote qe mund të më shpallë mua tradhtar! Këtë e them botërisht dhe gjithsecilit”, u shpreh Haziri

Ndryshe Lulzim Haziri është i lindur në vitin 1962 në fshatin Reçan të Gostivarit, shkollën fillore dhe të mesme e kryer në Gostivar , fakultetin në Prishtinë. Lulzim Haziri ka punuar si gazetar në Radio Kosovën, Rilindjen, Bujkun, Zërin, BotaSot, dhe në fund në Televizionin e Maqedonisë, programin në gjuhën shqipe.