PDK: Prokuroria në Gjilan, e ndikuar nga kryetari Haziri [video]

31 Gusht 2016 - 19:35      

Prokuroria Themelore në Gjilan është ndikuar nga kryetari Lutfi Haziri, pretendon opozita në këtë qytet. Këtë fakt e arsyetojnë me pushimin e hetimeve në lëndën, për të cilën Prokuroria Speciale ngriti aktakuzë ndaj kryetarit Haziri, thekson KTV-ja.

Madje, sipas zyrtarëve të PDK-së, Prokuroria Themelore ka heshtur e në këmbim të kësaj, familjarë të zyrtarëve të lartë të prokurorisë janë punësuar, përfshirë të afërm të kryeprokurorit të Prokurorisë Themelore në Gjilan.

Tri parkingjet që janë marrë në shfrytëzim nga kompania “S.O. Bezi”, vazhdojnë të shfrytëzohen nga kjo kompani, edhe një ditë më pas ngritjes së aktakuzës ndaj kryetarit Haziri për keqpërdorim të pozitës zyrtare.

Hetimet për shkeljet e mundshme në ankandin e Komunës për parkingjet i kishte nisur Prokuroria Themelore në Gjilan, por i kishte pushuar vitin e kaluar, nën arsyetimin se nuk kishin gjetur prova. Në Komunën e Gjilanit nuk kanë dashur të prononcohen për këtë temë, derisa u tha se kryetari Haziri gjendet në pushime.
 

© KOHA. Të gjitha të drejtat janë të rezervuara.