Policia tregon pistat që çuan në arrestimin e aktivistëve të Vetëvendosjes [video]

31 Gusht 2016 - 19:13      

Drejtues të Departamentit Kundër Terrorizmit, në kuadër të Policisë së Kosovës, kanë paraqitur faktet që kanë çuar në arrestimin e 6 aktivistëve të Vetëvendosje, si të dyshuar për sulmin e objektit të Kuvendit.

Drejtori i këtij departamenti, Fatos Makolli, ka thënë se kanë pasur dy pista të hetimit, ajo e identifikimit të kryerësve të sulmit dhe identifikimin e atyre që kanë marrë përgjegjësinë përmes komunikatës, në emër të “Rugovasve”, transmeton KTV. Pos identifikimit të të gjithë pronarëve të motoçikletës, njëjtë është vepruar edhe me telefonin e përdorur për lëshimin e komunikatës. Makolli ka treguar se ata kanë identifikuar çdo lëvizje të motoçikletës së përdorur, prej para sulmit e deri te djegia, për të humbur gjurmët. Sipas tij, pas hetimeve dhe analizimit të dëshmive, është konstatuar se të dyshuarit kanë planifikuar, organizuar dhe ekzekutuar sulmin ndaj ndërtesës së Kuvendit

© KOHA. Të gjitha të drejtat janë të rezervuara.