Kurti: Nuk garantoj protestë të qetë, por do të jetë paqësore [video]

31 Gusht 2016 - 19:03      

Masive e ka paralajmëruar protestën e nesërme Lëvizja Vetëvendosje. Deputeti i saj Albin Kurti, megjithatë nuk ka garantuar se protesta do të jetë e qetë, por ka thënë se është paqësore, transmeton KTV.

Për partinë opozitare, demarkacioni është marrëveshje personale e Thaçit, Mehës, Hysenit e Mustafës, por jo e qytetarëve dhe kombit shqiptar.

Në konferencën për media ka folur edhe sekretari për Marrëdhënie me Jashtë, Boiken Abazi, i deportuar muaj më parë në Shqipëri, për të cilin Vetëvendosje ka thënë se është kthyer, meqenëse Gjykata nuk ka marrë asnjë vendim për të. Abazi ka shpjeguar se ka hyrë në Kosovë në njërën nga pikat kufitare dhe ka thënë se policia e ka ndihmuar që të hyjë në vend.

Protesta e së enjtes nis në orën 11:00 në sheshin “Skënderbeu”, derisa gjysmë ore më vonë fillon edhe seanca e Kuvendit.

© KOHA. Të gjitha të drejtat janë të rezervuara.