AAK flet për dislokim forcash malazeze në kufirin me Kosovën

30 Gusht 2016 - 20:32      

Departamenti për Politika të Mbrojtjes dhe të Sigurisë i AAK –së, vlerëson se situate e krijuar në brezin kufitar me Malin e Zi, ku njoftohet të jenë dislokuar forca të kombinuara të policisë, njësitet e specializuara të kundërterrorizmit dhe ushtrisë së këtij vendi, është krejtësisht e panevojshme dhe e papranueshme.

Në këtë kuadër janë jo korrekte edhe deklaratat e Presidentit të Malit të Zi, sepse ato janë në shpërputhje me zhvillimet në terren.

Krejt kjo gjendje e re në kufi vie pas kundërshtimit serioz të banorëve të zonave të prekura nga Komisioni Shtetërorë për vijëzimin e kufirit, i cili ka bërë gabime dhe si rezultat Kosova po humbë territor të saj.

Ne, si Departament për Politika të Mbrojtjes dhe të Sigurisë, vlerësojmë se përgjithësisht situata e sigurisë mbetet shumë e brishtë në atë zonë dhe valët e sulmeve, drejtuar objekteve shtetërore, pronave private, dhe të ngjashme, ende të pazbuluara prej organeve të hetuesisë, përbëjnë lajm shumë të keq për sigurinë publike dhe nacionale në Kosovë.

© KOHA. Të gjitha të drejtat janë të rezervuara.