Nëse shkon Thaçi, Haradinaj e Limaj nuk shkojnë në Rugovë te Kelmendi

30 Gusht 2016 - 20:24      

Dy partitë në opozitë Aleanca për Ardhmërinë e Kosovës dhe Nisma kanë reaguar në lidhje me shkrimet se në takimin e nesërm, që do të mbahet në shtëpinë e deputetit Ramiz Kelmendit, do të marrë pjesë edhe presidenti Hashim Thaçi.

“Në fakt ky takim është menduar të jetë një takim i kryetarëve të partive politike parlamentare, e jo i përfaqësueseve institucionalë. Për më tepër Hashim Thaçi, ka dhënë dorëheqje nga kreu i PDK-së, dhe pjesëmarrja e tij në një takim të tillë, do të ishte krejt e panevojshme dhe jofunksionale”, thuhet në deklaratën e përbashkët të AAK-së dhe Nismës.

AAK dhe Nisma konsiderojnë se në rast se nikoqiri i këtij takimi Ramiz Kelmendi, ka menduar që ky takim të ketë një format tjetër, në një rast të tillë, pjesë e këtij takimi nuk do të jenë as Ramush Haradinaj e as Fatmir Limaj.

© KOHA. Të gjitha të drejtat janë të rezervuara.