“SOT” me shqiptarin që synon ulëse në Parlamentin kroat [video]

30 Gusht 2016 - 13:17      

Në mesin e shumë kandidatëve që pretendojnë të zënë një ulëse në Parlamentin kroat, janë edhe tre shqiptarë. Një nga ulëset pretendon të zë edhe shqiptari me prejardhje nga Tetova, Idris Sulejmani, i cili ka lindur në Poreç të Kroacisë.

Në një intervistë për emisionin e mëngjesit “SOT” në KTV, Sulejmani shpalos planet që do t’i plotësojë gjatë mandatit të tij si deputet.

Për këtë karrige konkurrojnë tre shqiptarë, ndërsa Sulejmani shpreh pakënaqësi se gjithmonë shqiptarët janë ndarë dhe asnjëherë nuk kanë treguar unitet.

Ai tregon edhe për mosmarrëveshjen që kanë pasur si shqiptarë për të kandiduar për deputetë.

Idris Sulejmani në intervistë fton që të dalin në votim të gjithë shqiptarët më 10 dhe 11 shtator, dhe thotë se pagën që do ta marrë si deputet do t’ua ndajë tre studentëve shqiptarë.

Më poshtë ndiqeni një pjesë të intervistës, e cila do të shfaqet të mërkurën në orën 9:15 në emisionin e mëngjesit “Sot” në KTV. 

© KOHA. Të gjitha të drejtat janë të rezervuara.