Fjala: Mos gjetja e të zhdukurve, përgjegjësi edhe e institucioneve të Kosovës

30 Gusht 2016 - 13:03      

Para 17 viteve shumë qytetarë të Kosovës u masakruan dhe shumë të tjerë u rrëmbyen dhe u transferuan nëpër burgje dhe varreza masive të Serbisë nga regjimi i Millosheviqit, ndërsa sot Qeveria e Beogradit as nuk qan fare kokën për këtë plagë që ende nuk është shëruar.

Kështu thuhet në reagimin e partisë Fjala në Ditën Ndërkombëtare të të Zhdukurve.

Sipas kësaj partie, për zhdukjen e qytetarëve të Kosovës, rëndon përgjegjësia edhe mbi delegacionin e Kosovës për mosinteresimin dhe mungesën e presionit të duhur mbi Serbinë në bisedimet që po zhvillohen në Bruksel.

“Ne, partia Fjala, konsiderojmë se Qeveritë e pasluftës mbajnë peshën e përgjegjësisë për mosinteresim dhe për mosangazhim. Njëherësh kërkojmë nga bashkësia ndërkombëtare që të ushtroj presion mbi Serbinë që kjo të i dorëzoj kriminelët e luftës”, thuhet në fund të këtij reagimi. 

© KOHA. Të gjitha të drejtat janë të rezervuara.