SPERTK: Sulmi në shtëpinë e drejtorit të RTK-së, kriminal e qyqar

29 Gusht 2016 - 08:15      

Sindikata e Punëtorëve e RTK- së dënon ashpër sulmin e mbrëmshëm kriminal dhe qyqarë, ndaj shtëpisë së drejtorit gjeneral të mediumit publik RTK, Mentor Shala, ku persona të panjohur mbrëmë në mënyrë kriminale sulmuan me granat dore shtëpinë e tij duke terrorizuar fëmijët dhe tërë familjen Shala.

Fatmirësisht nuk ka viktima në njerëz. Brenda një kohë të shkurtër ndodhën dy sulme ndaj mediumit publik, ku me datën 22 u sulmua me granat objekti i RTK -së ndërsa mbrëmë shtëpia e drejtorit të RTK-së Mentor Shala, transmeton Koha.net.

SPERTK nuk dëshiron të paragjykojë motivet e këtij sulmi, por i dënon të gjitha sulmet fyerjet, të cilat po bëhen kohës së fundit në adresim të RTK-së. SPERTK i bën thirrje organeve të drejtësisë sa me shpejtë ti ndriçojnë këto raste kriminale dhe kryesit e këtyre veprave të vihen para drejtësisë, thuhet në reagimin e SPERTK-së, të nën shkruar nga kryetari, Gëzim Bimbashi.  

© KOHA. Të gjitha të drejtat janë të rezervuara.