Veseli: Zhvillimet në Mushtisht mund të keqpërdoren nga Serbia

28 Gusht 2016 - 13:54      

Kryetari i Kuvendit të Kosovës, Kadri Veseli, është deklaruar në lidhje me zhvillimet e sotme në fshatin Mushtisht.

Ai ka thënë se këto zhvillime nuk i duhen Kosovës dhe se ato vetëm sa krijojnë mundësinë që të keqpërdoren prej atyre që duan ta pengojnë konsolidimin e shtetit të Kosovës dhe të krijojnë imazh negativ në botë për vendin tonë.

“Plagët e luftës të Mushtishtit, ashtu si të gjithë Kosovës, janë plagë të rënda që kërkojnë drejtësi të vërtetë, por në çdo rast duhet të bëhet dallimi i domosdoshëm në mes atyre që kanë bërë krime dhe komunitetit serb në Republikën e Kosovës. Përgjegjësia gjithmonë është individuale e institucionale, por jo kolektive”, ka thënë Veseli, raporton Koha.net.

E drejta e praktimit të besimit fetar, liria e lëvizjes, e drejta e kthimit në pronën legjitime, për secilin qytetar, pa dallim përkatësie, sipas kreut të Kuvendit të Kosovës, janë të drejta themelore në Kosovë dhe është obligim ligjor garantimi i tyre. 

© KOHA. Të gjitha të drejtat janë të rezervuara.