Partia e Drejtësisë: Vendimi për mbështetjen e demarkacionit, në përputhje me Statutin

26 Gusht 2016 - 15:27      

Prishtinë, 26 gusht – Partia e Drejtësisë ripërsërit se Deklarata e saj për mbështetjen e demarkacionit me Malin e Zi është në përputhje me Statutin e saj.

Zyra për Informim e Partisë së Drejtësisë njofton opinionin se miratimi i Deklaratës politike nga ana e Kryesisë së Partisë përkitazi me mbështetjen e miratimit të Projektligjit për Ratifikimin e Marrëveshjes për Demarkacionin e kufirit ndërmjet Republikës së Kosovës dhe Republikës së Malit të Zi, në mbledhjen e mbajtur më 24 gusht 2016, është bërë në pajtim të plotë me dispozitat statutore të partisë dhe se kjo Deklaratë politike është e mbështetur në plotni në vendimin e marrë njëzëri në Kuvendin e rregullt të Punës të Partisë së Drejtësisë, të mbajtur me 29 maj 2016, transmeton Koha.net.

Kjo sqaron se nuk bëhet fjalë për vendim të marrë ad hoc, por për qëndrim konsistent politik të partisë përkitazi me këtë çështje tejet të ndjeshme për vendin dhe qytetarët e tij, në trajtimin e së cilës nevojitet të sigurohet shkalla maksimale e konsensusit të brendshëm politik dhe balansit ndërmjet interesave shtetërore të Kosovës dhe përgjegjësisë së sajë shtetërore për ruajtjen dhe avansimin e partneritetit strategjik me SHBA dhe shtetet e tjera të NATO-s, pa të cilin nuk mund të paramendohet realizimi i suksesshëm i interesave gjithëkombëtare dhe interesave jetike të qytetarëve të vendit.  

© KOHA. Të gjitha të drejtat janë të rezervuara.