Grabovci padit Insajderin [video]

25 Gusht 2016 - 19:20      

Ish-shefi i Grupit Parlamentar të PDK-së, Adem Grabovci, ka paditur Gazetën Online Insajderi, për dëmtim të rëndë të reputacionit dhe autoritetit, për shkak të publikimit të përgjimeve, ku ai shpërfaq autoritetin e tij dhe ndikimin në çdo sektor të shtetit, raporton KTV.

Grabovci pretendon se autori i shkrimeve ka kryer vepër penale me rastin e nxjerrjes së përgjimeve, të cilat, sipas tij, do të duhej të shkatërroheshin.

Por Vehbi Kajtazi ka hedhur poshtë pretendimet e Grabovcit, duke thënë se ata nuk cenuan privatësisë e tij dhe në fakt nuk ia kanë dëmtuar por rritur reputacionin dhe autoritetin.

Në anën tjetër, i kontaktuar nga Kohavisioni, avokati i Adem Grabovcit, Florent Latifaj, ka thënë se deri në vendimin e gjykatës së Apelit nuk do të flasin për media, me pretendimin se deklarimet e tyre po keqinterpretohen dhe keqshfrytëzohen.

KohaVisioni ka kërkuar edhe mendimin e juristes për të drejtën e medias, Flutura Kusari, e cila ka thënë se “Ndonëse Grabovci ka të drejtë të ushtrojë padi, ky veprim i tij është tentativë për të heshtur Insajderin dhe tregon qasjen e PDK-së ndaj lirisë së medieve”. Kusari, e cila studion vendimet e Gjykatës së Stasburgut në raport me mediat dhe lirinë e shprehjes, thotë se “Publikimi i përgjimeve nuk përbën shkelje të privatësisë sepse trajtimi i temës për punësim të pamerituar në institucione publike është me interes publik.

© KOHA. Të gjitha të drejtat janë të rezervuara.