Besnik Mustafaj rikthehet pas 9 vitesh, i bashkohet fushatës në Dibër

25 Gusht 2016 - 12:08      

Rikthehet në politikë, ish-ministri i Jashtëm dhe ish sekretari i mardhënieve me jashtë në PD, Besnik Mustaf. Janë zgjedhjet e pjesshme për kryetar bashkie në Dibër që ka shfrytëzuar Mustafaj për t’u rishfaqur pas 9 vitesh ndërprerje në politikën aktive.

Sot Besnik Mustafaj nëpërmjet një postimi në rrjetet sociale shkruan se, “Disa miq, pjesëmarrës në lëvizjen për demokraci në fillimet e saj, më thonë se në Dibër këto ditë po ndodh diçka e ngjashme me çfarë kemi jetuar njëzet e pesë vjet më parë: po ngjallet shpresa. Bashkë me mikun tim Lulzim Ndreu, pasardhës i denjë i të madhit Elez Isufi, po shkojmë ta shohim në vend këtë mrekulli dhe ta përshëndesim Sherefedin Shehun”.

Mësohet se Mustafaj do të jetë aktiv në mbështetjen e kandidatit të opozitës Sherefedin Shehu,dhe këto ditë do të marrë pjesë në takimet me banorët e Dibrës, si dhe do të jetë i pranishëm në mitingun e madh prezantues

Me këtë angazhim të fundit Besnik Mustafaj bën kështu rikthimin e tij në politikën aktive, që prej vitit 2007, kur ai dha dorëheqjen nga Ministër i Jashtëm. Gjatë gjithë kësaj periudhe të gjatë, ai ka qenë i tërhequr në jetën e tij private dhe botën letërsitë.