Këtyre njerëzve duhet treguar vendin për të shpëtuar Republikën, thotë Jakup Krasniqi

23 Gusht 2016 - 15:45      

Ish kryetari i Kuvendit të Kosovës dhe ish-zyrtari i lartë i PDK-së, Jakup Krasniqi, ka reaguar ashpër ndaj deklaratës së kryeministrit të Vendit, Isa Mustafës, i cili tha se “Kufiri i Kosovës është caktuar pas luftës çlirimtare”, transmeton Koha.net.

Krasniqi në reagimin e tij, shkruan:

Vetëm mënyra sesi flet ky njeri, që është edhe kryeministër i Kosovës, për kufirin e shtetit të tij, tregon jo vetëm për padijen e papërgjegjësinë, por edhe diçka shumë më shumë ...?!

Kjo që ka thënë ky njeri, do të duhej të ishte arsyeje e duhur për një reagim të fuqishëm qytetarë, një reagim të ngutshëm të deputetëve, të klasës politike, të ASHAK-ut dhe të rinisë studentore e shkollore, që njerëzve të tillë, mos t'ju lihej qeverisja e vendit as edhe një ditë!

Po, kur dhe kush ia caktoj Republikës së Kosovës kufijtë pas çlirimit?! Kush e ka autorizuar atë Komision? Kush e ka udhëhequr? Kush paskan që anëtarët e ati komisioni? Sa ka punuar? Kur dhe kujt ia ka dorëzuar rezultatet e punës?

Të gjithë duhet ta dimë, ky njeri kështu do të flas nesër edhe për Bashkësinë e komunave serbe (lexo: Republikën Serbe në Kosovë)!!! Nëse tani nuk ia ndalim turrin! Nesër do të jetë vonë!

Çka tjetër duhet të bëjnë këta njerëz që t'ua tregojmë vendin?! 

© KOHA. Të gjitha të drejtat janë të rezervuara.