Vuçiq e sheh UNMIK-un të rëndësishëm për dialogun me Kosovën

23 Gusht 2016 - 13:45      

Beograd, 23 gusht – Kryeministri i Serbisë, Aleksandar Vuçiq, dhe shefi i UNMIK-ut, Zahir Tanin, kanë shfaqur sot pikëpamje të njëjta se prania e Misionit të Kombeve të Bashkuara ka rëndësi të jashtëzakonshme për ruajtjen e stabilitetit në Kosovë, qoftë përmes zbatimit me kon sekuencë të Rezolutës 1244 të KS të KB, po ashtu edhe përmes angazhimit për realizimin e marrëveshjeve të arritura në në dialogun e Brukselit.

Sipas njoftimit, që e transmetojnë mediet e Beogradit, Tanin ka theksuar se Qeveria e Serbisë dhe vetë kryeministri janë mbështetja kryesore për mbajtjen e paqes dhe të stabilitetit në rajon, transmeton Koha.net.

Në prag të mbledhjes së Këshillit të Sigurimit të KB në të cilën do të shqyrtohet raporti tremujor i punës së UNMIK-ut, gjatë bisedës midis Vuçiqit dhe Taninit, sipas raportimit të medieve të Beogradit, u konfirmua bashkëpunimi i mirë midis Qeverisë së Serbisë dhe Misionit të KB.

Sipas kumtesës së transmetuar përmes medieve serbe, në këtë takim u shqyrtuan mënyrat se si UNMIK-u, në kuadër të mandatit që ka, mund të kontribuojë për zgjidhjen e çështjeve në terren dhe në këtë mënyrë të avancojë jetën e përditshme të serbëve dhe të shqiptarëve në Kosovë.  

© KOHA