Shqipëria i kërkon Kosovës të mos i mbetet hatri për takimin e Nishit

23 Gusht 2016 - 07:42      

Shqipëria ka kërkuar nga Kosova të mos hatërohet se kryeministri Edi Rama do të takohet me homologun e tij serb, Aleksandar Vuçiq.

Duke folur për forumin ekonomik, i paralajmëruar të mbahet gjatë tetorit, në Nish, ambasadori i Shqipërisë në Kosovë, Qemajl Minxhozi, ka thënë për “Kohën Ditore” se nikoqir është kryeministri serb dhe se asnjëherë nuk është diskutuar për një takim trepalësh, ku do të merrnin pjesë edhe kryeministri apo kryetari i Kosovës.

Minxhozi ka theksuar se takimi i Nishit duhet të kuptohet si përpjekje e rajonit për ta forcuar bashkëpunimin rajonal. Por vetë kryeministri serb kishte përmendur në takim me nënpresidentin amerikan Joe Biden se do të ftojë edhe përfaqësues nga Prishtina, por të nivelit më të ulët. Në Qeverinë e Kosovës nuk ka arritur ende ndonjë ftesë. Por edhe nëse do të ketë, zyrtarë të kabinetit Mustafa kanë thënë se nuk do të marrin pjesë, pavarësisht nivelit të përfaqësimit... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.  

© KOHA. Të gjitha të drejtat janë të rezervuara.