Brenda tre muajsh, 112 raste me ethe hemorragjike

23 Gusht 2016 - 06:31      

Numri i rasteve të prekura nga ethet hemorragjike – krime-kongo, nga ky vit ka shënuar rënie krahasuar me vitet e shkuara, kur fatkeqësisht janë regjistruar edhe viktima.

Drejtori i Klinikës Infektive, Hamdi Ramadani, ka thënë se brenda tre muajve kanë qenë gjithsej 112 raste të pickuar nga rriqrat prej tyre 31 janë hospitalizuar në këtë klinikë, shkruan sot Koha Ditore.

“Në klinikën tonë, në qershor të pickuar nga rriqrat kanë qenë 72 raste, në korrik 30 raste, kurse në muajin gusht janë 10 raste. Në muajin qershor kanë qenë 25 raste të hospitalizuar, në korrik 5 dhe në muajin gusht vetëm 1 rast, pra raste këto që paraqiten në muajt qershor, korrik dhe gusht”, ka thënë ai.

Sa u përket etheve hemorragjike, ai ka thënë se kryesisht kanë dominuar rastet nga Komuna e Malishevës. Ishin meshkujt ata që iu ekspozuan më shumë rrezikut për shkak të punëve në ambient të jashtëm.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.