“Në Kosovë po rrezikohet trashëgimia serbo –bizantine”

22 Gusht 2016 - 13:10      

Kryetari i Serbisë Tomislav Nikoliq, sot në Beograd e ka hapur Kongresin 23 Ndërkombëtar të studimeve bizantine duke thënë se ajo, që ai e ka quajtur trashëgimi serbo-bizantine në Kosovë, “është e rrezikuar me të pavërtetat dhe përpjekjet për falsifikim të fakteve historike por edhe me shkatërrimi fizik”, transmeton Koha.net.

Nikoliq e ka cilësuar të keqe për njerëzimin përpjekjen e Kosovës për t’u anëtarësuar në UNESCO në atë që ai e ka quajtur “trashëgimi serbe në hapësirën e Kosovës”, e cila, ka thënë ai, i takon mesjetës si trashëgimi bizantine e popullit serb , e cila, përkundër, siç ka thënë ai, të gjitha fakteve shkencore e artefakteve i përshkruhet një populli tjetër”, përcjell koha. net raporton e tanjug.

"Dhe që është më keq, ajo trashëgimi t’i besohet për ruajtje atyre që në vazhdimësi, me decenie, i shkatërrojnë dhe i përdhosin", ka thënë Nikoliq

Në Kosovë, sipas fjalëve të tij, ruhet jo vetëm kultura serbe, por edhe ajo evropiane, kujtesa botërore, një pjesë e rëndësishme kulturës bizantine, ndërsa të pranishmit i ka lutur që të ndihmojnë, për siç ka thënë, ruajtjen e saj. 

© KOHA