Vota për demarkacionin frenon dekretimin e ambasadores Lama

22 Gusht 2016 - 07:22      

Peng i Marrëveshjes së demarkacionit ka mbetur edhe dekretimi i dy ambasadorëve, të cilët tashmë kanë kaluar procedurat në Kuvend dhe vetëm presin nënshkrimin e presidentit Thaçi, shkruan sot Koha Ditore.

Burime të gazetës kanë thënë se Thaçi nuk po dëshiron ta dekretojë veçmas deputeten aktuale Alma Lama, e propozuar për ambasadore në Romë të Italisë. Është kërkuar që ajo të jetë në Kuvend për ta votuar edhe demarkacionin. I propozuari tjetër në pritje të dekretimit për ambasador në Suedi është Hajdin Abazi.
Megjithëse kishte dhënë një fjalim lamtumirës në seancën e 14 korrikut, Lama nuk e ka dorëzuar ende mandatin e deputetes. Këtë e ka konfirmuar të shtunën edhe sekretari i Kuvendit, Ismet Krasniqi.

(Shkrimin e plotë mund ta lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.