Beogradi kërkon heqjen e billbordit në Mushtisht

21 Gusht 2016 - 21:05      

Zyra për Kosovën kërkon nga institucionet e Kosovës (ajo vazhdon t’i quajë të përkohshme dhe të Prishtinës) që urgjentisht të heqë billbordin nga Mushtishti, te Suhareka me të cilin, thotë kjo zyrë, në mënyrën më të drejtpërdrejtë përhapet urrejtje ndërnacionale dhe dekurajohen serbët që kanë shfaqur gatishmëri të kthehen në këtë fshat, thuhet në kumtesën e kësaj zyre që e transmeton FoNet.

Në kumtesë, transmeton koha.net, theksohet se tash e tri e tri vjet, në prag të festës së Zojës së Madhe në këtë fshat, bëhen incidente me qëllim që të mos lejohet kremtimi i kësaj feste nga serbët që duan ta bëjnë këtë.

Kumtesa, pasi pret fushatë publike të që të ndërpritet “kjo fushatë fashiste”, kërkon nga organet përkatëse që kremtja e 28 gushtit të kalojë pa incidente.

Kumtesa, nuk përmend as dhe një herë krimet që janë bërë kundër shqiptarëve n ë vitin 1999 nga forcat ushtarake e paramilitare serbe.

© KOHA. Të gjitha të drejtat janë të rezervuara.