“Thaçi ka zvarritur liberalizimin dhe FAK–un ” [video]

19 Gusht 2016 - 19:14      

Deklarata e presidentit të Kosovës, Hashim Thaçi, se kalimi i demarkacionit me Malin e Zi kushtëzohet me liberalizimin dhe shndërrimin e FSK-së në ushtri të Kosovës, ka ngritur reagimin e opozitës, raporton KTV.

Zyrtarë të Opozitës njëzëri thonë se është vetë Thaçi, i cili ka ndihmuar në zvarritjen e këtyre dy çështjeve shumë të rëndësishme për vendin derisa tash mundohet t’ua hedhin fajin atyre. Aleanca për Ardhmërinë e Kosovës thotë se tema e liberalizimit dhe FSK –së nuk është dashur të kthehet në kusht për ta kaluar demarkacionin.

Sipas nënkryetarit të AAK-së, Ahmet Isufi, vetë Thaçi i ka zvarritur këto procese shumë të rëndësishme për Kosovën që është dashur të kryhen që moti.

Zyrtarë të Lëvizjes “ Vetëvendosje” thonë se Thaçi nuk ka aspak të drejtë t’ua kërkojë një gjë të tillë, ngase vetë është fajtor për këtë gjendje të krijuar dhe se fajin po mundohet t’ia veshë opozitës.

© KOHA. Të gjitha të drejtat janë të rezervuara.