Prodhuesit e mjedrës të pakënaqur me ndihmën nga Qeveria [video]

18 Gusht 2016 - 19:26      

Ndonëse ministri i Bujqësisë shprehet i kënaqur me rendimentet e mjedrës, prodhuesit kanë pasur shumë ankesa për mungesë të ndihmës nga ana e qeverisë.

Në ditën e dytë të panairit të mjedrës, qytetarët patën mundësi ta blejnë këtë frutë, që vlerësohet si mjaft i shëndetshëm.

E po ashtu gjatë ditës, fermerët e mjedrës i kanë vizituar edhe ambasadori i SHBA-së në Kosovë, Greg Delawie, dhe drejtori i misionit të USAID-it, James Hop.

Një kilogram mjedre, siç tregojnë fermerët, shitet me çmim shumë të ulët dhe me përfitimin e rendimentit për këtë vit nuk janë aq të kënaqur.

Por, edhe për këtë vit, ministri Memli Kransiqi u premtoi ndihmë fermerëve, derisa tha se këtë vit janë mbjellë 1 mijë hektarë mjedër. Ndërkaq, në këtë panair, u plasua edhe aronia, një frutë tjetër që hyn në familjen e boronicës.

Aronia gjen përdorim të gjerë kryesisht për shërimin e shumë sëmundjeve.

Familja Hoxha këtë vit ka mbjellë rreth 5 hektarë aronia, me gjithsej rendiment 15 deri 20 tonë, ndërsa është i katërti vit me radhë që merren me prodhimin e saj.

Panairi i Mjedrës do të jetë i hapur edhe të premten.

© KOHA. Të gjitha të drejtat janë të rezervuara.