Përkuljet e Thaçit para memorialëve serbë që fajësojnë shqiptarët për vrasje [video]

16 Gusht 2016 - 19:16      

I janë bërë rreth 5 muaj në krye të shtetit, e Presidenti i Kosovës gjatë kësaj kohe ka bërë dy vizita që kanë nxitur reagime, raporton KTV.

Muajin e kaluar u përkul i vetëm para një memoriali me 14 emra të serbëve të vrarë në Grackë të Lipjanit, derisa të njëjtën e ka bërë të hënën në Gorazhdec të Pejës.

Këtu gjithashtu përkujtohen të rinj serbë të vrarë në vitin 2003, derisa ende nuk është zbuluar vrasësi e as motivet.

Megjithëkëtë, Presidenti në të dy rastet është përkulur para një tabele, ku shkruan se këta ‘njerëz janë vrarë nga terroristët shqiptarë’. Bajram Qerkini nga shoqata “Zëri i Prindërve”,

Ka thënë se Serbia, policia e ushtria e së cilës ka vrarë më shumë se 12 mijë shqiptarë ka dhunuar më shumë se 20 mijë gra dhe ka dëbuar rreth 1 milion njerëz nga Kosova, nuk ka kërkuar kurrë falje për këto krime.

Pikëpyetje janë vënë për mundësinë që vrasja në Gorazhdec të Pejë të jetë kryer vetë nga shërbimi sekret serb.

© KOHA. Të gjitha të drejtat janë të rezervuara.