Çfarë tha Vetëvendosje për zyrtarët e përfshirë në bisedat e përgjuara [video]

16 Gusht 2016 - 19:10      

Vetëvendosja sërish ka reaguar ndaj përgjimeve të publikuara, ku janë të përfshirë zyrtarë të lartë të ekzekutivit, raporton KTV.

Sipas drejtuesve të këtij subjekti politik, punësimi mbi baza partiake ka ndikuar edhe në moszhvillimin ekonomik të vendit dhe se Adem Grabovci është vetëm ekzekutues i urdhrave të Kadri Veselit e Hashim Thaçit.

Anëtari i kryesisë së Vetëvendosjes, Xhelal Sfeçla, e ka quajtur kriminel Kadri Veselin, i cili, sipas tij ka udhëhequr krimin e nëntokës qysh para se të vijë në krye të PDK-së.

E ndërkaq, Donika Kadaj Bujupi ka thënë se Lidhja Demokratike e Kosovës duhet të distancohet nga ky koalicion, e jo Isa Mustafa ta quajë president të shkëlqyeshëm Hashim Thaçin.

Vetëvendosje kërkon që me të gjitha këto përgjime të merret prokuroria dhe sa më parë të zbardhen të gjitha rastet e korrupsionit.

© KOHA. Të gjitha të drejtat janë të rezervuara.