Peshkopi Teodosije dënon sulmin në xhaminë e Velikincës

16 Gusht 2016 - 15:58      

Peshkopi i Rashkë-Prizrenit, Teodosije, e ka dënuar ashpër incidentin në fshatin Velikincë të Gjilanit, kur një serb dëmtoi minaren e xhamisë. Portali KosSev raporton se peshkopi Teodosije i dërgoi dje një letër Myftiut të Kosovës, Naim Tërnavës, përmes të cilës i shfaqte keqardhjen anëtarëve të Bashkësisë Islame për “këtë akt të pakuptimtë e vandal”.

Ky burim po ashtu thekson se Eparkia ka informacioni se autori i këtij akti është me probleme psikike dhe se sipas policisë ka qenë nën ndikimin e narkotikëve, transmeton Koha.net.

Dënimin nga ana e Eparkisë Rashkë – Prizren kryeimamit të Gjilanit, Naim Aliut, ia kanë përcjellë edhe igumeni i manastirit Draganac dhe zëvendësi i vladikës Teodosije, ati Ilarion, i cili raportohet të jetë takuar me të në Gjilan.

“Kisha Ortodokse Se3rbe shpreh besimin e sinqertë se ky incident i i zoluar nuk do të cenojë raportet fqinjësore ndërmjet myslimanëve e të krishtërve në këtë anë”, thuhet në reagimin e peshkopit Teodosije, i cili po ashtu iu bashkua apelit të Myftiut Tërnava që organet e sigurisë të marrin të gjitha masat në mënyrë që të gjitha objektet fetare të jenë të mbrojtura në mënyrë adekuate.

Peshjkopi Teodosije po ashtu ka shfaqur “përkushtimin e sinqertë për ndërtimin e shoqërisë së mbështetur në tolerancë dhe respekt midis të gjitha komuniteteve”.

© KOHA. Të gjitha të drejtat janë të rezervuara.