Zëvendësdrejtorin e AKI-së dhe zv/komandantin e FSK-së i duan serbët për ta bërë FSK-në ushtri

16 Gusht 2016 - 07:06      

Zëvendësdrejtori i AKI-së dhe zëvendëskomandanti i FSK-së duhet të vijnë nga komuniteti serb, në këmbim të votave të deputetëve të Listës Serbe për ndryshimet kushtetuese, që duhen bërë për transformimin e Forcës së Sigurisë të Kosovës (FSK) në Forca të Armatosura të Kosovës (FAK), shkruan sot Koha Ditore.

Ndonëse Qeveria e Kosovës asnjëherë nuk i ka konfirmuar kushtet e Listës Serbe, për të mbështetur ndryshimet kushtetuese që duhen bërë për transformimin e Forcës së Sigurisë të Kosovës (FSK) në Forca të Armatosura të Kosovës (FAK), ato i ka bërë të ditura Duda Balje, deputete e Kuvendit të Kosovës e grupit 6+.

Balje, e cila njëherësh është zëvendëskryetare e dytë e Komisionit parlamentar për mbikëqyrje të Agjencisë Kosovare të Inteligjencës (AKI), këto komente i ka bërë në tryezën “Monitorimi i sektorit të sigurisë të Kosovës: mars-korrik 2016”, e cila është organizuar nga Instituti Kosovar për Kërkime dhe Zhvillime të Politikave (KIPRED), me rastin e publikimit të Observerit të sektorit të sigurisë të Kosovës për periudhën mars-korrik 2016. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.