Partia Fjala dënon dëmtimin e minares së xhamisë në Velekincë të Gjilanit

15 Gusht 2016 - 08:35      

Partia Fjala, e Gëzim Kelmendit, ka reaguar ndaj dëmtimin të minares së xhamisë së fshatit Velekincë të Gjilanit, ku një shtetas serb kishte hipur me qëllim të dëmtimit të kësaj minaret.

Partia Fjala e ka dënuar rastin, duke e quajtur sulm mbi objektet fetare. Partia Fjala thotë se Kosova shquhet për tolerancë ndërfetare dhe së për këtë, sulmet mbi objektet fetare të cilitdo besim, janë të pa pranueshme, transmeton Koha.net.

“Dënojmë sulmin që ndodhi në Xhaminë e fshatit Velekincë të Gjilanit. Sulmet mbi objektet fetare qofshin Xhamia apo Kisha janë të papranuara për shoqërinë tonë kosovare e cila shquhet për bashkëjetesë dhe tolerancë të shkëlqyer ndërfetare”, thuhet në reagimin e partisë Fjala.

Kjo parti ka kërkuar nga organet e drejtësisë që të veprojnë konform ligjit dhe sulmuesi të merr dënimin e merituar. 

© KOHA. Të gjitha të drejtat janë të rezervuara.