Rritet borxhi publik për rreth 73 milionë euro

15 Gusht 2016 - 06:41      

Shteti i Kosovës vetëm brenda gjashtë muajve të parë të këtij viti ka hyrë në kredi në vlerë prej 101.71 milionë eurosh.

Vlera e kredisë pritet të rritet edhe në pjesën e dytë të vitit, pasi edhe në rishikim të buxhetit të shtetit të hyrat nga huamarrja janë paraparë që të arrijnë vlerën 259 milionë euro, shkruan sot Koha Ditore.

Kjo ka bërë që të rritet edhe borxhi publik i shtetit për 72.98 milionë euro. Bazuar në raportin gjashtëmujor, borxhi i përgjithshëm i Kosovës ka arritur në 13.78 për qind të bruto produktit vendor apo në 821.93 milionë euro.

Vetëm në seancën e fundit të Kuvendit të Kosovës shteti ka hyrë në kredi rreth 52 milionë euro për dy projekte të financuara nga dy banka evropiane. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.