FSK e gatshme të ballafaqohet me fatkeqësitë natyrore

14 Gusht 2016 - 15:55      

Kolonel Naim Haziri - shef i Shtabit të Komandës së Forcave Tokësore, në Kazermën “Adem Jashari” në Prishtinë ka thënë se FSK është e gatshme që të ballafaqohet me fatkeqësitë natyrore.

Në një intervistë për REL, kolonel Haziri ka thënë se bazuar në analizat dhe ushtrimet fushore që i bënë FSK-ja, ata janë të gatshëm për situatat emergjente.

“Misioni primar që ka FSK-ja, është që t'i përgjigjet kërkesave të Qeverisë së Republikës së Kosovës, në reagim në situata emergjente. Bazuar në vlerësimet, analizat pas-vepruese që janë bërë edhe të reagimeve reale në fatkeqësi, por edhe në ushtrimet fushore që i realizojmë në funksion të ushtrimit të kapaciteteve tona, në reagim në situata të tilla, ne vlerësojmë dhe besojmë fuqishëm që Forca e Sigurisë se Kosovës është e gatshme, e përgatitur mjaftueshëm dhe e trajnuar që të ballafaqohet më fatkeqësitë natyrore më të cilat mund të ballafaqohet Republika e Kosovës”, ka thënë Haziri.