Selimi: Suksesi i Majlindës duhet të shërbejë si pikë kthese

14 Gusht 2016 - 07:00      

Suksesi i Majlinda Kelmendit nuk është rezultat i përkrahjes së shtetit, por rezultat i punës së madhe shumëvjeçare dhe i sakrificës së xhudistes e trajnerit të saj. Por suksesi i fundit i Kelmendit duhet të shërbejë si pikë kthese në qasjen e shtetit ndaj sportit e sportistëve.

Kështu ka thënë Musa Selimi, dekan i Fakultetit të Edukimit Fizik dhe Sportit të Universitetit të Prishtinës, në një intervistë për gazetën “Koha Ditore”.

Kelmendi të dielën fitoi medaljen e artë olimpike, të parën për Kosovën në pjesëmarrjen e parë të vendit në ngjarjen më të madhe sportive. Suksesi i saj bëri bujë.

Sipas Selimit, që është profesor i lëndës së volejbollit dhe trajner i futbollit, medalja e artë e Kelmendit paraqet moment të ri që duhet të shfrytëzohet maksimalisht për të nisur gjetjen e zgjidhjes për problemet e mëdha që i mundojnë sportin e sportistët për kohë të gjatë... (intervistën e plotë e gjeni sot në “E diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.