Koci e Gecaj debatojnë “online” për hartat jugosllave

13 Gusht 2016 - 22:26      

Nëse duhet apo jo të merren parasysh në shqyrtimin dhe caktimin e demarkacionit me Malin e Zi hartat jugosllave kanë debatuar edhe avokati Arianit Koci me zëvendësministrin e MAPL-së, Bajram Gecaj.

Avokati Koci ka thënë se jugosllavët nuk do t’i kishin dhënë kurrë tokë që nuk i takon Kosovës, transmeton Koha.net.

“Hartat jugosllave po tregojnë që me këtë version të demarkacionit po humbim territor. Jam i bindur qē jugosllavët kurrë nuk ka kishin dhënë tokën, që nuk është e jona!”, ka shkruar Koci.

Menjëherë aty ka reaguar, njëri nga qeveritarët më të zëshëm në mbrojtjen e versionit të Komisionit Shtetëror për Demarkacion me Malin e Zi, Bajram Gecaj. Ai ia ka kthyer me një buzëqeshje(emotion) se Koci mos të përzihet në këto punë sipas të cilit, nuk merret vesh.

“Leje mos u përzi në punë në të cilat nuk merresh vesh”, ka shkruar Gecaj, të cilit nuk i ka vonuar shumë përgjigjja e Kocit. “Mu bindë që ti merresh vesh, nuk isha përzi”, iu përgjigj Koci, të cilin zëvendësministri Gecaj i tha se “Letrat ashtu po thonë”.

Pas kësaj, Koci edhe njëherë i ka shtruar pyetje Gecajt, duke i thënë se a është i bindur që jugosllavët i kanë falë tokë Kosovë. Ndërsa Gecaj u përgjigj me fjalë popullore “Na i kanë pre teshat pa na pyet fare”.

E Koci në fund Gecajt i tha se “kjo veç është argument! Thujeni vëlla në këtë mënyrë...”.

Më poshtë mund t’i lexoni replikat mes avokatit Koci dhe zëvendësministrit Gecaj:

© KOHA. Të gjitha të drejtat janë të rezervuara.