“Papunësia, pasojë e klanit kriminel që ka kapur shtetin” [video]

13 Gusht 2016 - 19:06      

Për Lëvizjen Vetëvendosje, gjendja e rëndë socio-ekonomike në vend mund të ndryshojë vetëm me mobilizimin e qytetarëve në protestë.

Kryetari i Prishtinës, Shpend Ahmeti, ka deklaruar se papunësia nuk është rezultat i fatit, por pasojë e klanit kriminel që ka kapur shtetin, raporton KTV.

Ahmeti ka deklaruar se kryeprokurori i shtetit, Aleksandër Lumezi, e ka rastin të dëshmojë dhe të marrë veprime. Ai ka shtuar se nëse kryetari i Gjykatës së Apelit është vendosur vetëm me një telefonatë, duke thënë se mund të merret me mend se sa njerëz, gjykatës e prokurorë janë vendosur aty në këtë mënyrë.

Kreu u Komunës së Prishtinës theksoi se nëse Kadri Veseli po mundohet ta relativizojë, duke thënë se ka edhe në parti të tjera, atëherë e ka gabim ngase, sipas tij, ajo qëndron vetëm nëse është duke thënë për LDK-në.

E anëtari tjetër i kryesisë së Lëvizjes Vetëvendosje, Smai Kurteshi, ka thënë se ftesa ndaj Vetëvendosjes që ankesat e tyre t’i dërgojnë tek organet e drejtësisë, ishte shumë cinike, pasi që është degraduar drejtësia institucionale.

Ai tha se këtu është një sistem i kalbur dhe një denigrim të sistemit shtetëror. 

© KOHA. Të gjitha të drejtat janë të rezervuara.