Interesimi i vogël për falje të borxhit, u falën 140 nga 680 milionë

13 Gusht 2016 - 07:00      

Kanë mbetur vetëm edhe 20 ditë deri në shfuqizim të Ligjit për faljen e borxheve publike dhe interesimi i qytetarëve për të lidhur kontrata vazhdon të jetë i vogël.

Që nga fillimi i zbatimit të ligjit, para 11 muajve deri në fillim të korrikut janë falur 140 milionë euro nga 680 milionë sa kanë qenë të parapara, shkruan sot Koha Ditore.

Në Ministrinë e Financave kanë thënë për gazetën se nuk janë të kënaqur me interesimin e qytetarëve për falje të borxheve, por se nuk do të ketë afat shtesë.

Të pakënaqur me numrin e aplikuesve janë edhe institucionet dhe ndërmarrjet publike. Ndërsa shoqëria civile konsideron se kushtëzimi ka bërë që ky ligj të dështojë. Sipas tyre, ligji duhet të plotësohet dhe të hiqen kushtëzimet. (Artikullin e plotë mund ta lexoni në numrin e sotëm të Kohës Ditore)

© KOHA. Të gjitha të drejtat janë të rezervuara.