Për të aksidentuarin në Çikatovë flet doktoresha që provoi ta kthejë në jetë [video]

12 Gusht 2016 - 19:26      

Për punën që bënte, iu desh të udhëtojë disa kilometra nga fshati Obri deri në Çikatovë.

Por 31 vjeçari, Raim Kurti, gjeti vdekjen pikërisht në vendin e punës në një objekt që ishte në ndërtim e sipër.

Pasditen e së enjtes, ai ishte rrëzuar nga skelet, të cilat ishin të vendosura në këtë objekt për të vdekur në vendin e ngjarjes.

Ndihmë i ishte ofruar menjëherë në Qendrën Kryesore të Mjekësisë Familjare në Drenas, por ekipet kujdestare vetëm se kishin konfirmuar vdekjen.

Edhe Policia e Kosovës në raportin 24 orësh, ka konfirmuar vdekjen e të riut nga Drenasi.

Sindikata e punëtorëve dhe inspektorati i punës disa herë e kanë ngritur si çështje rrezikun që u kanoset punëtorëve në sektorin privat.

Ankesat kanë qenë kryesisht kushtet e vështira të punës dhe mungesa e sigurisë në vendin ku punojnë.

© KOHA. Të gjitha të drejtat janë të rezervuara.