Victoria Invest ndihmon zonat e përmbytura në Maqedoni [foto]

12 Gusht 2016 - 15:19      

Kompania Victoria Invest me vet iniciativë i është gjendur pranë komunitetit të zonave të përmbytura në Maqedoni.

Kompania  vuri në dispozicion të strukturave të emergjencës mjetet e saj si kamionët dhe mjete të tjera transporti për zhvendosjen e personave nga zonat e rrezikuara nga uji, si dhe makineri, ekskavatorë për pastrimin e zonave të përmbytura për përballimin e situatës gjatë përmbytjes dhe pas saj.

Rrënjët e zhvillimit të VICTORIA INVEST INTERNATIONAL janë në fillim të viteve 90, nën menaxhimin e Fatmir Kuçit, së pari në fushën e transportit në tokë dhe det, duke u bërë një nga kompanitë më të fuqishme të transportit në Republikën e Shqipërisë.

Menjëherë pas luftës, drejtori z.Fatmir Kuçi kishte prioritet investimet në Kosovë.

Në fillim të viteve 1999-2001, e autorizuar nga kompania HIDROTERM, kompania u bë furnizuesi kryesor i materialeve të ndërtimit në Kosovë.

Së fundi në vitin 2001, z.Kuçi themeloi VICTORIA INVEST Group International.

Duke i konsoliduar të gjitha aktivitetet me sektorët tjerë të vegjël që ishin duke operuar veç e veç, kompania ka filluar aktivitetin e saj në fushën e ndërtimit (ndërtimit të ulët dhe të lartë), duke dëshmuar cilësi dhe organizim domethënës në kryerjen e punimeve të ndërtimit, duke u bërë kështu lider në tregun e ndërtimit të rrugëve të Republikës së Shqipërisë dhe Republikës së Kosovës.

Angazhimi ne pastrimin e zones vazhdon akoma Victoria invest international group vepron në Kosovë, Shqipëri dhe Maqedoni.
http://www.victoriainvest.al/

© KOHA. Të gjitha të drejtat janë të rezervuara.