Në Nashec të Prizrenit kapet drogë e mulli i marihuanës

11 Gusht 2016 - 21:52      

Në vazhdën e hetimit të rasteve të vjedhjeve, grupi hetimor i drejtorisë rajonale të policisë, në mbështetje edhe të njësive tjera operative kanë kryer bastisje në një shtëpi në fshatin Nashec.

Bastisja është kryer rreth orës 15:00 dhe atu janë gjetur tre djem dhe dy vajza të reja me gjasë duke konsumuar narkotik, transmeton Koha.net.

Gjatë kontrollit, sipas raportit të policisë, janë gjetur: një pushkë automatike e llojit të panjohur; sasi e vogël e marihuanës; një pako “rizlla” që përdorën për narkotik; një mulli për bluarjen e narkotikëve dhe një “bong” për thithjen e marihuanës.

Janë shoqëruar për në stacion policor tre të dyshuar dhe pas intervistave, me vendim të prokurorit të shtetit i dyshuari R. Thaçi ndalët nën masën e arrestit policor.

Të tjerët janë liruar ndërsa provat materiale dhe shkresat e lëndës do t’i kalojnë prokurorisë për procedura të më tejme.

© KOHA. Të gjitha të drejtat janë të rezervuara.