Vuçiq: Çka do që të ndryshojë, Kosova do na mbetet problem

11 Gusht 2016 - 17:14      

Kryeministri serb, Aleksandër Vuçiq ka thënë se kapitulli i 35-të për anëtarësimin e Serbisë në BE, që parashikon heqjen dorë e Serbisë nga Kosova, do të jetë një nga gjërat më të vështira në proceset e Qeverisë së Serbisë.

Vuçiq i është përgjigjur deputetit Milorad Mirçiq që ka thënë se kapitulli i 35-të nuk do të mbyllet deri sa të rregullohen marrëdhëniet fqinjësore, duke i thënë se Serbia duhet të mbajë kursin europian, duke bërë gjithçka për të mbrojtur territorin e tyre, transmeton Koha.net.

“Do të jetë shumë e vështirë, por çka do që të ndryshojë, problemi i Kosovës do të na mbetet”, tha Vuçiq në parlamentin serb, teksa shtoi se problem duhet zgjidhur me mjete paqësore, duke mbrojtur popullin serb në Kosovë.

© KOHA. Të gjitha të drejtat janë të rezervuara.