Abdixhiku: Situata nuk është komike, është tragjike sa s’bëhet më

11 Gusht 2016 - 12:01      

Drejtori i Riinvestit e kolumnisti i Kohës Ditore, Lumir Abdixhiku në Facebook ka shkruar rreth bisedave telefonike të më të fuqishmëve të PDK-së për punësime të familjarëve e të bashkëpartiakëve duke thënë se ndërhyrjet e tilla nëpër universitete i kanë shndërruara ato në fabrika të paditurisë që prodhojnë durues të paditur e të pashoq, transmeton Koha.net.

Grabovci: Ma bojke Xhelali e çka osht ajo? Hehehe…, i thash le more se hin në histori t’Universitetit, themelus i Universitetit, thash o ti.
Ja si i kanë caktuar udhëheqësit e dijes këndej.

E merrni me mend dëmin ndaj gjeneratave të tëra tek ne? Mosreagueshmëria e rinisë sonë edhe atëherë kur faktet u dalin qartazi përpara, buron pikërisht nga injoranca me të cilin i kanë ushqyer kapësit ata nëpër universitete. Fabrika të paditurisë, me gra, familjarë e Xhelala si mësues e udhëheqës, prodhojnë natyrisht durues të paditur e të pashoq.
Kjo situatë nuk është komike. Është tragjike sa s’bëhet më.

© KOHA. Të gjitha të drejtat janë të rezervuara.