Ahmeti kërkon nga ambasadorët të deklarohen për “Pronto 2”

10 Gusht 2016 - 11:47      

Kryetari i Komunës së Prishtinës, Shpend Ahmeti, ka ftuar ambasadorët e Kuintit që të deklarohen mbi institucionet, që ai i quan të “pavarura”, për ndarjen e pushteteve dhe për rreziqet për shtetin tonë.

Ahmeti, përmes një statusi në Facebook, këtë kërkesë e ka parashtruar duke u bazuar në përgjimet e publikuara së fundmi në media mes krerëve të shtetit të cilët bëjnë pazare për poste publike.

Në vijim postimi i plotë i Ahmetit:

Po shoh shumë statuse me ironi e cinizëm disi duke i kthyer këto incizime në humor e satirë në stilin “shihi këta si flasin”.

Por situata lejon shumë pak hapësirë për hajgare

1. Këta kanë vendos emra në polici duke përmend edhe krerët e këtij institucioni "të pavarur"

2. Këta kanë punësuar njerëz me amanete të bashkëshorteve

3. përveç dajës këta kanë punësu edhe djem të mixhave, e shumë anëtarë tjerë të familjes

4. bordet e PTK dhe KEK po dihet se si janë vendos me amanete

Ftoj ambasadorët, posaçërisht ambasadorët e Kuintit të japin deklarata mbi institucionet e “pavarura”, ndarjen e pushteteve dhe rreziqet për shtetin tonë. 

© KOHA. Të gjitha të drejtat janë të rezervuara.