Çfarë folën e Grabovci e Buja për “dostat” [video]

9 Gusht 2016 - 19:16      

Është publikuar vazhdimi i përgjimeve Pronto 2, ku bashkëbisedues i Adem Grabovcit është ish-ministri i arsimit, Ramë Buja. Buja e kishte caktuar kolegun e tij partiak Ilhami Gashin anëtar të bordit në Universitetin e Pejës, por ai ishte treguar jo mirënjohës ndaj Bujës, pasi nuk e kishte falënderuar, raporton KTV.

Këto detaje Buja ia tregon në telefon Grabovcit, dhe e quan Ilhami Gashin faqezi.

Në pjesën e publikuar së fundi nga Insajderi, krerët e lartë të PDK-së konsultohen sërish mes vete për caktimin e njerëzve të tyre në bordet e institucioneve publike.

Në njërën prej bisedave, Adem Grabovci ia kishte bërë të qartë Ramë Bujës se bordi i KEK-ut ishte i rezervuar për “dostat e tyre”.

Buja, e kishte thirrur Grabovcin për ta pyetur nëse ka vend në këtë bord për një kushëri të tij.

Ndërkohë, në një bisedë tjetër, Adem Grabovci kishte pohuar se kishte zbuluar se sekretari i Ministrisë së Arsimit, Xhavit Dakaj, po punonte për interesa të Ilir Tolajt, ish-sekretar i Ministrisë së Arsimit.

Për këto përgjime do të mbahet protesta e radhës të mërkurën, duke filluar nga ora 19:00.

© KOHA. Të gjitha të drejtat janë të rezervuara.