Raport i KTV-së për bombën në shtëpinë e Murat Mehës [video]

9 Gusht 2016 - 19:14      

Policia e Kosovës dhe njësitet deminuese, e kanë deaktivizuar në mënyrë të kontrolluar një mjet shpërthyes që ishte vendosur në shtëpinë e kryetarit të komisionit shtetëror për përcaktimin e vijës kufitare, Murat Meha, raporton KTV.

Për vendosjen e mjetit shpërthyes në shtëpinë e tij, ka reaguar ashpër Murat Meha. “Sulmi është bërë prej dorës së zgjatur të atyre që tentojnë të na rrezikojnë edhe jetën edhe familjen. Unë s’i kam borxh askujt”, ka thënë Meha.

Një sulm të tillë e ka dënuar edhe kryeministri i vendit, Isa Mustafa. Ai ka thënë se një akt i tillë është i papranueshëm, duke theksuar se këta njerëz nuk ia duan të mirën Kosovës.

“Aktet e tilla që rrezikojnë jetën e familjeve tregojnë më së miri se kemi të bëjmë me njerëz që nuk ia duan të mirën Kosovës. Ata e rrezikojnë të ardhmen e Kosovës”, ka thënë Mustafa.

Zëdhënësja e Policisë së Kosovës, Flora Ahmeti, ka konfirmuar për rastin duke thënë se bomba ishte vendosur në tarracën shtëpisë, në lagjen Dardania të Prishtinës. 

© KOHA. Të gjitha të drejtat janë të rezervuara.