Veseli dënon vendosjen e bombës në shtëpinë e Mehës

9 Gusht 2016 - 17:06      

Hedhja e mjetit shpërthyes në familjen e Murat Meha përbën një akt të dënueshëm dhe njëherësh një paralajmërim shqetësues të tendencave që synojnë të nëpërkëmbin shtetin ligjor në Kosovë, thuhet nbë deklaratën e kryetarit të Kuvendit të Kosovës Kadri Veseli.

Akte të tilla të rënda,, thotë deklarata, që në kundërshtim edhe me moralin e popullit tonë, nuk hezitojnë të cenojnë integritetin e familjes, duhet të marrin përgjigjen e merituar ligjore nga mekanizmat shtetërorë të sigurisë dhe drejtësisë, e jo të mbesin anonime dhe të pandëshkuara.

Qytetarët tanë duhet të kenë besim se shteti i Kosovës është në gjendje të plotë për të garantuar sigurinë e tyre, rendin publik dhe sundimin e ligjit, përfundon deklarata.

© KOHA. Të gjitha të drejtat janë të rezervuara.