Meha: Pa regjistra kadastralë, keni për ta parë ku ka për të na hyrë Serbia

9 Gusht 2016 - 16:55      

Kryetari i Komisionit shtetëror për shënimin e kufirit Kosovë –Mali i Zi, Murat Meha ka folur rreth atyre që ai i ka quajtur kërcënime e dhunë.

Ai, duke aluduar për bombën e vendosur sot në shtëpinë e tij ka theksuar se “ne po sulmohemi nga ata që cdo herë dalin në televizione me sharje e fyerje.
Unë s’i kam borxh askujt”, ka thënë Meha duke përsëritur se Kosova nuk ka humbur asnjë pëllëmbë tokë me Malin e Zi.

Meha, në vazhdim ka thënë se regjistrat kadastralë janë të vetmit relevantë me të cilët duhet të shënohet kufiri, pasi, sipas tij, nëse nuk veprohet kështu gjatë shënimit të kufirit Kosovës – Serbi, vendi ka për t’u dëmtuar shumë.
“Keni për të parë ku ka për të na hyrë Serbia nuk nëse nuk respektohen regjistrat kadastralë”, tha Meha.

© KOHA. Të gjitha të drejtat janë të rezervuara.